Ақтөбе ферроқорытпа зауыты бүгінде – өндіріс көлемі жылына 700 мың тонна ферроқорытпа құрайтын тұрақты дамып келе жатқан заманауи кәсіпорын.
- Зауыттың құрамында 3 балқыту цехы, қождарды қайта өңдеу цехы және қосалқы цехтар бар. Кәсіпорын жоғары көміртекті феррохром, орташа көміртекті феррохром, төмен көміртекті феррохром, ферросилиций, металл концентратын шығарады.
- Белсенді технологиялық дамудың арқасында Ақтөбе ферроқорытпа зауыты өңір мен ел экономикасына зор үлес қосуда. Бүгінгі таңда кәсіпорын өнімдері Еуропа елдеріне, Жапония және АҚШ-қа экспортталады.
- Кәсіпорынның ең жаңа бөлімшесі - №4 балқыту цехы. Цех 2014 жылы іске қосылды. Мұнда Қазақстан үшін ғана емес, әлемдік ферроқорытпа саласы үшін де тұрақты ток пештерінде балқытудың инновациялы, бірегей технология қолданылады. Цех жоғары көміртекті феррохром өндіретін әлемдегі ең қуатты (72 МВт) тұрақты ток пештерімен жабдықталған. Зауыт өнімдерінің 60%-ы дәл осы цехта өндіріледі. Бүгінгі күні тұрақты ток пештері 75 МВт асқын қуатта тұрақты жұмыс істейді. Сонымен қатар, қазір 80 МВт көрсеткіштерге көшу сыналуда.
- Ақтөбе ферроқорытпа зауытын жаңарту 2021 жылы екі балқыту цехын – 20 ғасырдың ортасынан бері жұмыс істеп келе жатқан бірінші және екінші цехтарды толық жаңғыртудың басталуымен жалғасты. Осы уақыт ішінде бөлімшелердің төрт пеші толығымен жаңартылды, қалғандарын жаңғырту 2032 жылға дейін жалғасады.
- Үздік әлемдік стандарттарға ұмтыла отырып, зауытта 2021-2024 жылдар аралығында екі балқыту цехы үшін жаңа газ тазарту жүйелері салынды. Бұл -жабдықты толығымен жаңарту және маңызды экологиялық мәселені шешуде ең заманауи технологияларды қолдана отырып, процесті толық автоматтандыруға көшу. Жаңа жүйе іске қосылғаннан кейін кәсіпорынның қоршаған ортаға жүктемесі 30% - ға төмендеді. «Қазхром» ТҰК» АҚ бірегей жобаға 12 млрд теңгеден астам қаржы бөлді.
- Ақтөбе ферроқорытпа зауытында қауіпсіздік техникасы мен қоршаған ортаны қорғауға ерекше назар аударылады. Қызметкерлер емдік-профилактикалық тамақпен және сүтпен, жеке қорғану құралдарымен қамтамасыз етіледі, әлеуметтік және емдік-профилактикалық іс-шаралар, медициналық тексерулер жүргізіледі.
Ақтөбелік металлургтер компанияның корпоративтік өміріне, қалалық және өңірлік іс-шараларға белсенді ат салысып тұрады. Балалар үйіне қамқорлық жасайды, Ақтөбе су қоймаларының балық балансын толтырады, қалалық сенбіліктерге шығып, ағаш отырғызу науқандарына қатысады, облыстық және республикалық жүгіру марафондарында біріншілер легінде мәреге жетіп, әртүрлі деңгейдегі зияткерлік және спорт жарыстарында жеңіс тұғырынан көрініп жатады.
- Компанияның ресми Instagram бет: instagram.com/azf__kazchrome